Европын автомашин үйлдвэрлэгчид жолооч нарын шүүмжлэл, замын хөдөлгөөний аюулгүй байдлын шаардлагыг хүлээн авч, салоны хяналтын самбартаа физик товчлууруудыг буцаан оруулж эхэлсэн байна. Тухайлбал, Европын томоохон ослын туршилтын байгууллага Euro NCAP-аас жолоочийн анхаарлыг сарниулахгүйн тулд дохио, салхины шил арчигч, аваарын дохиолол зэрэг чухал удирдлагуудыг заавал энгийн товчлууртай байх ёстой гэсэн шинэ шалгуур тавьж эхэлжээ.

Гол үр дүнгүүд:

  • Европын брэндүүд өндөр оноо авлаа:
    • BMW iX3: 100% (Төгс үнэлгээ)
    • Audi Q7: 90% (Эргономик байрлалтай, хэрэглэхэд хялбар товчлууруудтай)
    • Kia EV2: Маш сайн үр дүн үзүүлсэн.

 

  • Хятадын брэндүүд шаардлага хангахгүй байна:
    • Хятад үйлдвэрлэгчид технологиор дүүрэн салон хийх нрийдлээр бүх удирдлагыг мэдрэгчтэй дэлгэц рүү шилжүүлж байгаа нь жолоочийн анхаарлыг хэт их сарниулж байгааг шүүмжилжээ.
    • XPeng X9 болон Zeekr 7GT, Aion UT загварууд ердөө 20%-ийн үнэлгээ авсан бол Leapmotor B05 гэр бүлийн хэтчбек машин 0 хувь буюу хамгийн муу үзүүлэлттэй гарсан байна.

 

  • Шинэ дүрэм журам: Евро NCAP-аас жолоочийн анхаарлыг сарниулахгүйн тулд дохио, шил арчигч, аваарын дохиолол, дуут дохио зэрэг чухал товчлууруудыг заавал физик буюу энгийн товчлууртай байх ёстой гэсэн шинэ шалгуур тавьж эхэлжээ. Үүнийг биелүүлээгүй автомашинуудын аюулгүй байдлын оноог хасч байна.

 

 

  • Европ болон Хятад автомашинуудын ялгаа: Европын үйлдвэрлэгчид (жишээ нь: Audi Q7, Kia EV2, BMW iX3) хэрэглэгчдийн хүсэлтийг хүлээн авч, машины салонд физик товчлууруудыг буцаан оруулж эхэлсэн бөгөөд үнэлгээгээр маш өндөр оноо авсан байна. Харин Хятадын шинэ брэндүүд (XPeng X9, Zeekr 7GT, Aion UT, Leapmotor B05) бүх зүйлийг мэдрэгчтэй дэлгэц рүү шилжүүлсэн хэвээр байгаа тул аюулгүй байдлын үнэлгээгээр тун тааруухан (0-20%) үр дүнтэй гарчээ.

 

 

  • Судалгааны үр дүн: "What Car?" сэтгүүлээс хийсэн судалгаагаар зарим машин дээр радио солих зэрэг энгийн үйлдэл хийхэд хүртэл 81 секундийг зарцуулж, жолоочийн анхаарлыг хэт их сарниулж байгааг тогтоосон байна. Мөн судалгаанд оролцсон жолооч нарын 85 хувь нь машины системд илүү олон физик товчлуур байх ёстой гэж үзжээ.

Euro NCAP-ын зүгээс хэрэглэгчдийн эрүүл саруул ухааныг дагаж, аюулгүй байдлыг энгийн бөгөөд ойлгомжтой байлгахыг Хятадын шинэ брэндүүдэд уриалжээ.