Нийслэлийн нийтийн тээврийн хүртээмжийг нэмэгдүүлж, замын хөдөлгөөний ачааллыг бууруулах зорилготой шинэ үеийн тээврийн шийдэл — Дүүжин тээврийн төсөл төлөвлөгөөний дагуу амжилттай хэрэгжиж, одоо ашиглалтад оруулахын өмнөх туршилт, тохируулгын чухал үе шатандаа шилжлээ.

 


📌 Төслийн гол онцлох мэдээлэл:
•    Чиглэл: Яармагийн Арцат өртөөнөөс Хархорингийн Өнөр хороолол хүртэл.
•    Гүйцэтгэгч: Төслийн үндсэн туслан гүйцэтгэгчээр Monnis Engineering LLC компани ажиллаж байна.
•    Хүний нөөц: Тус компаниас 60 инженер, техникийн ажилтан нийт 260,000 хүн цагийн хөдөлмөр зарцуулаад байна.
•    Олон улсын хамтын ажиллагаа: Монгол инженерүүд 90 жилийн түүхтэй Францын компанийн мэргэжилтнүүдтэй хамтран ажиллаж, олон улсын туршлагыг газар дээр нь эзэмшиж байгаа нь үндэсний боловсон хүчний хувьд томоохон дэвшил болж байна.

 


🚡 Туршилтын үйл явц:
•    Техникийн үзүүлэлт: Нэг кабины даац 750 кг бөгөөд нийт 98 кабинаар байнгын туршилтын ажиллагааг эхлүүлэхээр төлөвлөжээ.
•    Эхний шат: Одоогоор 5 кабин туршилтын замд гарч, системийн ажиллагаа болон аюулгүй байдлыг шалгах эхний шатны туршилт 10 хоногийн турш үргэлжилж байна.
•    Хяналт баталгаажуулалт: Энэ хүрээнд системийн техникийн хэвийн ажиллагаа, хөдөлгөөний аюулгүй байдал, удирдлага болон хяналтын систем, түүнчлэн механик, цахилгаан тоног төхөөрөмжийн найдвартай байдлыг үе шаттайгаар шалгаж байна.